കേരള സംസ്ഥാന ഭൂവിനിയോഗ ബോർഡ് ഭൂമിയുടെ യുക്തിസഹമായ ഉപയോഗം, നിലവിലുള്ള ഭൂവിനിയോഗത്തെക്കുറിച്ചുള്ള സൂക്ഷ്മതല ഡാറ്റ ശേഖരിക്കൽ, ഭൂവിഭവങ്ങൾ, ഭൂവിഭവങ്ങളുടെ നശീകരണം, എന്നിവയുടെ ഇൻവെന്ററി തയ്യാറാക്കൽ, പ്രകൃതിവിഭവങ്ങളെക്കുറിച്ചുള്ള പഠനങ്ങൾ മുതലായവയിൽ സജീവമായി ഏർപ്പെട്ടിരിക്കുന്നു. വിഭവങ്ങളെ അടിസ്ഥാനമാക്കിയുള്ള തീമാറ്റിക് മാപ്പിംഗ്, സ്പേഷ്യൽ ഡാറ്റാ ബേസ് ഡെവലപ്‌മെന്റ്, സ്പേഷ്യൽ ഡിസിഷൻ സപ്പോർട്ട് സിസ്റ്റം തുടങ്ങിയ മേഖലകളിൽ കേരള സംസ്ഥാന ഭൂവിനിയോഗ ബോർഡ് സാങ്കേതിക സഹായം വാഗ്ദാനം ചെയ്യുന്നു. പ്രകൃതി വിഭവ സംബന്ധമായ വിഷയങ്ങളിൽ പൊതുജനങ്ങൾക്കായി ബോധവൽക്കരണ പരിപാടികളും വകുപ്പ് നടത്തുന്നുണ്ട്. ലൈൻ ഡിപ്പാർട്മെന്റുകൾക്കും തദ്ദേശസ്വയംഭരണസ്ഥാപനങ്ങൾക്കും ഭൂവിനിയോഗത്തിനും സ്ഥലപരമായ ആസൂത്രണത്തിനുമുള്ള നിർദ്ദേശങ്ങളും വകുപ്പ് പ്രദാനംചെയ്യുന്നു. മൂന്ന് സ്കീമുകൾക്ക് കീഴിൽ ഏറ്റെടുത്ത കെഎസ്എൽയുബിയുടെ വിവിധ പദ്ധതികളുടെ വിശദാംശങ്ങൾ ചുവടെ നൽകിയിരിക്കുന്നു:
